بیرخرداد قیامی نین آچدیقی بیرلیک یولومو
هارای ، هارای من تورکم . بوفریاد بیر اولومیللتین غضب له سئس لئندیردیگی وارلیق نین فریاد سئسی ایدی . بو کلمه لر بیر داها اثبات اتدی کی آذربایجان تورک میللتی ایسته دیگی زاماندا اوُز وارلیقیندان مدافعه اتمئگی باجاریقلا فارس راسیسمینه گوستره بیلر و تاریخه دامغا سین وورا بیلر. بیرخرداد 1385 اینجی ایلده باش وئرن میللی قیام تورک وارلیقی نین اثبات نقطه سی و دامغاسی ایدی . راسیست رژیم و اوُنون رسمی اوُرگانی اوُلان "ایران" گاذتینده آذربایجان تورکلرینه قارشی چیزیب نشر اتدیگی ، اوُزلرینه لایق اوُلان کلمه لر و کاریکاتورون یاییلماسینین آردینجا بوتون آذربایجان جوشا گئلدی و میللتیمیز بیرلیکده شوینیست رژیمین سیاست لری علیهینه حرکته کئچدیلر ، بیرخرداد قیامیندا فارس رژیمی نین خام خئیالینا رغمن میلیونلارلا آذربایجانلی هر مرامدا ، هر مسلک ده هراینانجا صاحیب اولدوقلارینا باخمییاراق بیرلئشدیلر، و بیرداها اثبات اتدیلرکی ، اوُ یئرده کی میللی کیملیگیمیزه اهانت اولورسا ، بوتون آذربایجان بیرلئشیب ، بوتوُولئشیب تک بیر یومروقا چئوریلیب ، راسیسمین قارشیسیندا سینه گریب اوُنو دیزه چوکوره بیله جئک قودرته صاحیب دیر ، چونکی بو میللتین ساقچی سیدا ، سولچوسودا ، دینداریدا اصنافیدا هر مقامدا اوُلورسا اوُلسون ، بیر اولو اجدادین ، واحید وطنین شرفلی اولاد لاری دیرلار. عشق اوُلسون بئله شرفلی اولو میللتیمیزه .
