تورکلر ايرانداکي اولايلارا پاسسيو دستک وئرمه ليدير

ايرانداکي پرئزيدئنت سئچيمينه حيله قاريشميش و بو اوزدن ده

 ميلت رئژيمين ديکتاتورلوغونا قارشي چيخماق اوچون اويغون بير

 فورصت ياخالاميشدير. تئهراندا يوزمينلرجه اينسان احمدينژادي

 محکوم ائديب، موسوييه دستک وئرميشدير.

بو اولايلار باغلامیندا اؤلنلر و يارالانانلار دا اولموشدور.

 ايران تاريخي سورجينده بوتون سياسي حرکتلرين مرکزي تبريز

 اولدوغو اوچون، يئنه ده تبريزي بو چيخمازا سوخماغا چاليشيرلار.

 ايراندا گئدن تورک ميللي حرکتي رئژيمي دئويرمگي تاريخين

 اوزرينه بوراخمالي، تاريخي حاديثه لرين گئديشينه بوراخمالي

 و اؤز گله جگي ايله باغلي شخصييت، کادرلار يئتيشديرمه ليدير.

 بو گون ان بؤيوک عکسيييميز اورتادا ميللي حرکتين اوزرينده

 تاثيري اولاجاق ليدئرين و يا ليدئرلرين اولماماسيدير.

بو اوزدن بيزيم ميللي حرکتي يانليش يؤنلره يؤنلنديره بيلرلر.

گئت- گئده رئژيمين ايچينده کي ضيدييتلر درينلشير و

بؤيوک احتيمالا گؤره گله جک گونلرده بير-بيرينه قارشي

سيلاح دا قوللانا بيلرلر.

آنلاشيلان اودور کي، بوتون غورورو و ساختا اينقيلابي شخصييتي

 سوال آلتينا گئدن رفسنجانيلر يئرلرينده راحات اوتورماياجاقلار.

 بيز تاريخيميزين ان حسساس مرحله سيني ياشاييريق.

 موباريزه نين هدفلريني و سينيرلاريني کسين اولاراق بللي

ائتمک زورونداييق.

 ايقتيدار يولونداکي قانلي ساواشلارا تورک ميللي

حرکتي قاتيلماماليدير. اونلار بير-بيرلريني ازيب ضعيفله تسينلر.

 بو ضعيفليک اورتاميندان بيز يئني و حاکيم گوج کيمي اورتايا

 چيخماغي هدفله مه لي یيک. ايندي بئله بير سوال اورتايا

 چيخار: او زامان احمدينژاد ديکاتورلوغونا قارشي تورکلر نئجه بير

 توتوم گؤسترمه ليدير؟

بيز تورک ميلتي اولاراق ايراندا دئموکراسي يولوندا گئدن موباريزه

 يه آکتيو دستک دئييل، پاسسيو دستک وئرمه لي یيک.

اؤرنه یين يازيلاريميزلا، اولوسلاراراسي آرئنادا احمدينژاد

 ايستيبدادينا قارشي چيخماليييق. آنجاق ايستيبدادين قايناغي

 احمدينژاد دئييل. بو سيستئمدير.

 احمدينژادين يئرينه موسوي اوتورسا دا هئچ بير يئنيليک اورتايا

 قويا بيلمز.

نئجه کي، موسوي ذهنييتي داها اؤنجه خاتمي تيمثاليندا 8 ايل

 ايقتيداردا اولدو و هئچ بير يئنيليک ائده بيلمه دي.

 بو اوزدن ده بيز ميلت اولاراق اؤز ميللي منافعيميزين ياخين،

 اورتا و اوزاق وعده ده کي ايستکلرينه گؤره حرکت ائتمه لي

 یيک.

 بير سؤزله کوچه يوروشلرينه قاتيليب آکتيو دستک يئرينه

پاسسيو دستک وئرمکله يئتينمه لي یيک.

گونتاي گنجالپ